پاکستان
8 ممالک سے مزید 37 پاکستانی بے دخل، 3 کو کراچی میں حراست میں لیا گیا
سعودی عرب، امریکہ، قبرص، اور دیگر ممالک سے پاکستانیوں کو ویزا منسوخی، بلیک لسٹنگ، اور غیرقانونی سرگرمیوں کے الزامات پر واپس بھیجا گیا۔
سعودی عرب ،امریکہ سمیت 8 ملکوں سے مزید 37 پاکستانی بے دخل
امریکہ، قبرص، سینیگال سمیت 8 ممالک سے مزید 37 پاکستانیوں کو بے دخل کر دیا گیا، جن میں سے 3 کو بلیک لسٹ ہونے پر کراچی میں حراست میں لے لیا گیا۔
امیگریشن ذرائع کے مطابق امریکا پہنچے ایک پاکستانی کا امیگریشن حکام نے ویزا منسوخ کرکے اسے پاکستان واپس بھیج دیا۔ قبرص پہنچے 1 پاکستانی کو امیگریشن نے ناپسندیدہ قرار دے کر واپس کر دیا۔
امیگریشن ذرائع کا کہنا ہے کہ برازیل میں بغیر دستاویزات پہنچے پاکستانی کو بھی بے دخل کر دیا گیا۔ سینیگال میں انسانی اسمگلنگ کیلئے پہنچے 1 پاکستانی کو حراست میں لے کر واپس بھیج دیا گیا۔
امیگریشن ذرائع کے مطابق سعودی عرب میں ویزا منسوخ کرکے 2 افراد کو واپس بھیجا گیا جبکہ سعودی سسٹم میں ویزا ریکارڈ نہ آنے، بلیک لسٹ، منشیات، زائد المیعاد قیام، بھیک مانگنے، کفیل کے بغیر کام کرنے، کام سے مفرور، چوری کے الزامات اور پاسپورٹ گم کرنے پر 26 پاکستانیوں کو واپس بھیجا گیا۔
اس کے علاوہ متحدہ عرب امارات میں زائد المیعاد قیام اور بلیک لسٹ ہونے پر 3 پاکستانی واپس بھیجے گئے۔ بحرین میں سکیورٹی رسک کہہ کر ایک پاکستانی کو واپس بھیج دیا گیا۔ ایران سے بھی ایمرجنسی دستاویزات پر 1 پاکستانی کو بے دخل کیا گیا۔
