مالاکنڈ میں بیوی نے شوہر کو گولی مار کر قتل کر دیا

بیوی کے ہاتھوں شوہر قتل، مقتول پر سسر کے قتل کا الزام

مالاکنڈ کے علاقے بٹخیلہ مدے خیل میں ایک افسوسناک واقعہ پیش آیا، جہاں خاتون نے اپنے شوہر شمال خان کو گولی مار کر قتل کر دیا۔ لیویز ذرائع کے مطابق مقتول پر الزام تھا کہ اس نے کچھ عرصہ قبل اپنے سسر کو قتل کیا تھا۔ خاتون نے مبینہ طور پر اپنے شوہر کو گھر بلا کر فائرنگ کی، جس کے نتیجے میں وہ موقع پر ہی جان کی بازی ہار گیا۔

واقعے کے بعد ملزمہ نے خود کو قانون کے حوالے کرتے ہوئے تھانے میں گرفتاری دے دی۔ لیویز حکام نے جائے وقوعہ سے شواہد اکٹھے کر کے تفتیش شروع کر دی ہے۔جبکہ لیویز نے مزید قانونی کارروائی کے لیے کیس کی چھان بین جاری رکھی ہے۔

یہ بھی پڑھیے: باجوڑ میں 12 سالہ بچی کا لرزہ خیز قتل