شینڈونگ زِن شو گروپ کارپوریشن نے ہنزہ پولیس کو خط لکھ کر میر باز خان کی رہائی کا مطالبہ کر دیا

کمپنی نے خط میں واضح کیا ہے کہ میر باز ایک تیسری پارٹی کے لاجسٹکس فراہم کنندہ کے ذریعے بطور ٹرانسپورٹ اہلکار کام کر رہے تھے اور انہیں سامان کی مخصوص نوعیت کے بارے میں کوئی علم نہیں تھا۔ خط میں کہا گیا ہے کہ میر باز خان صرف کمپنی کی ہدایت پر سامان لے جا رہے تھے اور ان کا مال میں موجود شراب سے کوئی ذاتی تعلق یا آگاہی نہیں تھی۔

شینڈونگ زِن شو گروپ نے اپنی مکمل ذمہ داری قبول کرتے ہوئے حکام سے مکمل تعاون کا یقین دلایا ہے اور درخواست کی ہے کہ میر باز خان کو فوری طور پر رہا کیا جائے کیونکہ وہ معصوم ہیں اور ممنوعہ اشیاء سے ان کا کوئی براہ راست تعلق نہیں ہے۔

کمپنی نے مزید بتایا ہے کہ ان کے چینی نمائندے اگلے دو سے تین دنوں میں ہنزہ پہنچیں گے تاکہ مقامی حکام سے ملاقات کر کے معاملے پر مزید وضاحت پیش کی جا سکے۔

یہ بھی پڑھیں: گلگت شہر کا سیوریج سسٹم بہتر بنانے کی جانب اہم قدم