وادی کھوت، تورکھو اپر چترال میں اپریل کے اختتام پر برفباری کا سلسلہ جاری

اپر چترال (نمائندہ چمرکھن) — بروز ہفتہ، وادی کھوت تورکھو اپر چترال میں موسم بہار کے آخری ایام میں غیر متوقع طور پر برفباری کا سلسلہ شروع ہو گیا ہے، جو صبح سے مسلسل جاری ہے۔ مقامی ذرائع کے مطابق، وادی میں سردی کی شدت میں نمایاں اضافہ دیکھنے میں آیا ہے اور معمولات زندگی متاثر ہو رہے ہیں۔

اپریل کے مہینے میں برفباری ایک غیر معمولی امر ہے، جو نہ صرف زرعی سرگرمیوں کو متاثر کر سکتا ہے بلکہ مقامی سطح پر سفر و آمد و رفت میں مشکلات پیدا ہونے کا خدشہ بھی بڑھ گیا ہے۔

مقامی آبادی کے مطابق، جہاں یہ منظر آنکھوں کو بھلا لگتا ہے، وہیں خدشہ ہے کہ پھل دار درختوں اور فصلوں کو نقصان پہنچ سکتا ہے۔ ضلعی انتظامیہ نے عوام کو احتیاط برتنے کی ہدایت کی ہے، بالخصوص پہاڑی علاقوں میں سفر کرنے سے گریز کی اپیل کی گئی ہے۔

یہ بھی پڑھیں: گلگت بلتستان کے معدنی ذخائر پر تحقیقاتی سروے کا آغاز