خیبر پختونخوا حکومت کا یتیم بچوں اور بیوہ خواتین کے لیے مالی معاونت میں اضافہ کرنے کا اعلان

"روشن مستقبل کارڈ” کے تحت 5 سے 16 سال تک کی عمر کے یتیم بچوں کو ماہانہ 5000 روپے مقرر کیا گیا تھا۔ تقریب میں وزیراعلی علی امین گنڈاپور نے یہ رقم بڑھا کر 10 ہزار روپے کرنے کا اعلان کردیا۔ پروگرام کے تحت ان بچوں کو پہلی ترجیح دی جائے گی جن کے ماں باپ دونوں فوت ہوئے ہوں۔ اس پروگرام سے تقریباً 9000 یتیم بچے اس سہولت سے مستفید ہوں گے۔

"سہاراکارڈ” کے تحت 45 سال اور اس سے زیادہ کی عمر کی بیوہ خواتین کے لئے ماہانہ 5000 روپے مقرر کیا گیا تھا۔ وزیراعلی علی امین گنڈاپور نے یہ رقم بھی بڑھا کر 10 ہزار روپے ماہانہ کرنے کا اعلان کردیا۔ پروگرام سے مجموعی طور پر 15,000 بیوہ خواتین اس پروگرام سے مستفید ہوں گی۔

دونوں پروگراموں کے تحت مستحقین کو ہر ماہ کی 5 تاریخ تک ان کے کارڈ کے ذریعے رقم مل جایا کرے گی۔ آئی ٹی بیسڈ سکورنگ سسٹم کے ذریعے اسکریننگ اور سلیکشن کے بعد مستحق درخواست گزاروں کو کارڈز جاری کئے جائیں گے۔