ایف آئی اے نے خواتین کی سعودی عرب اسمگلنگ کی کوشش ناکام بنا دی

ایف آئی اے امیگریشن کی کراچی ائرپورٹ پر بڑی کارروائیاں

خواتین کی سعودی عرب اسمگلنگ کی کوشش ناکام جبکہ بیرون ملک سے آنے والے 2 مسافر گرفتار کر لیے گئے۔ پہلی کاروائی میں عمرے کی آڑ میں خواتین کی سعودی عرب اسمگلنگ کی کوشش ناکام بنا دی گئی۔ 4 خواتین کو آف لوڈ کر دیا گیا۔ متاثرہ خواتین کی شناخت شازیہ بانو، ظمیرا عظیم، لبنیٰ اور ثنا شہزادی کے نام سے ہوئی ہے۔ متاثرہ خواتین عمرہ ویزے پر سعودی عرب جارہی تھی۔

ابتدائی تفتیش کے مطابق متاثرہ خواتین کو جبری مشقت کی غرض سے سعودی عرب بھیجوا جا رہا تھا۔ متاثرہ خواتین کو اس سے قبل بھی سعودی عرب جا چکی تھی۔ ابتدائی تفتیش میں یہ بات سامنے آئی ہے کہ متاثرہ خواتین کو سعودی عرب بھجوانے میں آسیہ نامی خاتون ملوث ہے۔ آسیہ نامی ملزمہ پنجاپ پولیس کی سابقہ ملازم ہے۔ آسیہ نامی خاتون نے ہی متاثرہ خواتین کے سفری اخراجات برداشت کیے۔ سعودی عرب میں قیام اور دیگر اخراجات کے لیے سہولت کاری وسیم گجر نامی ایجنٹ کر رہا تھا۔   متاثرہ خواتین سے ایجنٹوں کے حوالے سے معلومات لی جا رہی ہیں۔ ایک اور کاروائی میں ایمرجنسی پاسپورٹ پر پاکستان پہنچنے والے 2 مسافر گرفتار۔ گرفتار مسافروں کی شناخت ایلس اور ریان کے نام سے ہوئی۔ گرفتار ملزمان فلائٹ نمبر SV700 کے ذریعے کراچی پہنچے۔ ملزمان کے پاس موجود ایمرجنسی پاسپورٹ جعلی پائے گئے۔ ملزمان کے پاسپورٹ پر لگی ایمرجنسی اسٹیمپ جعلی تھی۔ گرفتار ملزمان کی شہریت کو بھی مشکوک پایا گیا۔ گرفتار 2 ملزمان کو مزید قانونی کاروائی کے لیے اینٹی ہیومن ٹریفکنگ سرکل کراچی منتقل کر دیا گیا۔

مزید تفتیش جاری ہے۔

یہ بھی پڑھیے: ریڈیو بحرانی صورتحال میں لائف لائن اور تبدیلی کا محرک ہے، کمشنر کراچی حسن نقوی