کوہاٹ: دریائے سندھ کے مقام خوشحال گڑھ پر ایک کشتی ڈوب گئی، جس میں 9 افراد سوار تھے۔ ریسکیو 1122 کو اطلاع ملتے ہی عملہ موقع پر پہنچ گیا، جبکہ غوطہ خوروں نے فوری طور پر ڈوبنے والوں کی تلاش شروع کر دی ہے۔
ابتدائی کارروائی میں 7 افراد کو محفوظ نکال لیا گیا، جبکہ 2 افراد ابھی تک لاپتہ ہیں۔ سرچ آپریشن میں کوہاٹ، نوشہرہ اور کرک کی ٹیمیں شامل ہیں۔ ڈسٹرکٹ ایمرجنسی آفیسر عارف خٹک آپریشن کی نگرانی کر رہے ہیں۔
مقامی انتظامیہ نے مزید مدد کے لیے اضافی وسائل تعینات کر دیے ہیں۔ لاپتہ افراد کی تلاش کا عمل جاری ہے۔
یہ بھی پڑھیں: تربیلہ جھیل میں کشتی پھنسنے کا واقعہ، ڈی پی او ہری پور کا نوٹس، ملاح گرفتار
