رمضان شوگر ملز ریفرنس میں وزیراعظم شہباز شریف اور حمزہ شہباز کو بری کر دیا گیا۔
تفصیلات کے مطابق لاہور کی اینٹی کرپشن نے رمضان شوگر ملز ریفرنس میں وزیراعظم شہبازشریف اور سابق وزیراعلیٰ حمزہ شہباز شریف کی بریت کی درخواست پر فیصلہ سنا دیا۔
اینٹی کرپشن عدالت اپنے فیصلے میں شہباز شریف اور حمزہ شہباز کو رمضان شوگر مل گندہ نالہ کیس میں بری کر دیا، اینٹی کرپشن عدالت کے جج سردار محمد اقبال ڈوگر نے فیصلہ سنایا، عدالت نے کہا کہ سزا کا امکان نہیں ہے۔
وکیل امجد پرویز نے دلائل دیتے ہوئے کہا تھا کہ نالے کی تعمیر کی ہدایت اُس وقت کے وزیر اعلیٰ پنجاب شہباز شریف نے نہیں کی تھی، نالے کی تعمیر کی منظوری پنجاب کابینہ نے دی، اور اسے علاقے کی بہتری کے لیے بنایا گیا تھا۔
عدالت نے فیصلے میں وزیراعظم شہباز شریف اور حمزہ شہباز کو بری کر دیا اور کہا مقدمہ کا مدعی اس کیس سے دستبردار ہو چکا ہے ، اس کیس میں ملزمان کو سزا کا امکان نہیں۔
یہ بھی پڑھیں: سابق وزیر اعلیٰ خالد خورشید کو 34 سال قید کی سزا
اس سے قبل رمضان شوگر ملز ریفرنس میں مدعی بیان سے منحرف ہو گیا تھا، مدعی ذوالفقار عدالت میں بیان حلفی دیتے ہوئے کہا تھا کہ رمضان شوگر ملز گندہ نالہ تعمیر سے قومی خزانہ کو نقصان نہیں ہوا، میں نے رمضان شوگر ملز کیخلاف ایسی کوئی درخواست دائر نہیں کی۔
یاد رہے عدالت نے 3 فروری کو شہباز شریف اور حمزہ شہباز کے خلاف فیصلہ محفوظ کیا تھا۔
