شانگلہ پولیس نے پیر کے روز شلمانو علاقے، تحصیل الپوری میں اپنی بھابھی کو قتل کرنے کے الزام میں تین افراد کی گرفتاری کا اعلان کیا۔ مبینہ طور پر قتل کی وجہ ناجائز تعلقات کے شبہات بتائی گئی ہے۔
ضلع پولیس افسر (ڈی پی او) عمران خان کے مطابق، گرفتار کیے گئے ملزمان – عمر علی، احمد حسین، اور نورالحسن – کو مقتولہ کی بہن نے نامزد کیا تھا اور انہیں جسمانی ریمانڈ کے لیے عدالت میں پیش کیا جائے گا۔
یہ بھی پڑھیے: سی ڈی اے كا اسلام آباد میں الیکٹرک بسوں کا دائرہ کار بڑھانے كا رجہان
26 دسمبر کو درج ایف آئی آر کے مطابق، مقتولہ اپنی بہن کے گھر آئی ہوئی تھیں جہاں باورچی خانے میں ملزمان نے اندھا دھند فائرنگ کر کے انہیں قتل کر دیا۔
ڈی پی او عمران خان نے یقین دہانی کرائی کہ پولیس کی تفتیشی ٹیم ملزمان سے تمام پہلوؤں سے تفتیش کرے گی تاکہ مقتولہ کو انصاف فراہم کیا جا سکے، جو ملزمان کے خاندان سے بیاہی ہوئی تھیں۔
مقامی لوگوں نے بتایا کہ نو ماہ قبل مقتولہ کے گھر میں ڈکیتی کا واقعہ پیش آیا تھا، جس کے بعد ان کے سسرال والوں نے ان پر ناجائز تعلقات کا شبہ کیا۔ مبینہ طور پر قتل دن دہاڑے مقتولہ کی بہن کے گھر پر ہوا۔
