بارگو چلمس کے قریب افسوسناک واقعہ: باپ اور بیٹا دریا میں ڈوب کر جابحق

گلگت کے علاقے بارگو چلمس کے قریب ایک دل دکھا دینے والا واقعہ پیش آیا جہاں ایک باپ اور اس کا پانچ سالہ بیٹا دریا میں ڈوب کر جاں بحق ہو گئے۔ اس المناک واقعہ کی ریکسو 1122 کو اطلاع دی گئی جس نے فوری طور پر اپنے عملے اور ایمبولینس کو موقع پر روانہ کیا۔

تلاش کے دوران، ریکسو 1122 کی ٹیموں نے مقامی افراد کے تعاون سے پانچ سالہ بچے گلزار کی نعش بازیاب کر لی، جسے اس کے گھر والوں کے حوالے کر دیا گیا۔ بعد ازاں، 35 سالہ باپ قمر کی نعش بھی دریا سے برآمد ہوئی۔

اس حادثے کی وجہ ابھی تک واضح نہیں ہو سکی، تاہم تحقیقات جاری ہیں۔

یہ بھی پڑھیں: 15 سال کے انتظار کے بعد عطا آباد ہنزہ میں لنک روڈ کا افتتاح