غیرت کے نام پر بیٹی کے قتل میں ملوث درندہ صفت باپ اور دونوں بیٹے گرفتار

گزشتہ روز مخبر خاص کے ذریعے تھانہ شاہ ڈھیرئی پولیس کو مسماۃ (ر) دختر بخت شیرین کے قتل کی اطلاع ملی تھی۔ اطلاع ملتے ہی ایس ایچ او تھانہ شاہ ڈھیرئی گوہر علی نے پولیس ٹیم کے ہمراہ موقعے پر پہنچ کر تحقیقات کیں، جس سے معلوم ہوا کہ مقتولہ کو غیرت کے نام پر اس کے والد اور بھائیوں نے مل کر زہریلی دوا پلا کر قتل کیا، اور پھر اسے ناگہانی موت ظاہر کرنے کی کوشش کی۔

واقعے پر ڈی پی او سوات ناصر محمود کے سخت نوٹس کے بعد، ایس ایچ او تھانہ شاہ ڈھیرئی نے پولیس ٹیم کے ہمراہ فوری کارروائی کرتے ہوئے اپنی بیٹی کے قتل میں ملوث درندہ صفت باپ بخت شیرین اور اس کے دونوں بیٹوں لطیف الرحمن اور محمد رحمن کو گرفتار کر لیا گیا ہے۔ ان کے خلاف تھانہ شاہ ڈھیرئی میں مقدمہ درج کر لیا گیا ہے۔

یہ بھی پڑھیں: منگیتر اور ساتھی کی شمولیت سے اندھا قتل بے نقاب، پولیس نے ملزمان گرفتار کرلیے