عید کے تین دنوں میں خیبرپختونخوا کے ہسپتالوں میں 1656 بچوں کی پیدائش
صوبہ بھر کے 37 اضلاع میں 24 گھنٹے طبی خدمات جاری، 1656 زچگیاں اور 7 ہزار سے زائد سرجریز انجام دی گئیں
عید کے تین دنوں کے دوران صوبے کے 37 اضلاع کے چوبیس گھنٹے خدمات فراہم کرنے والے نان ایم ٹی آئی مراکز صحت کا ڈیٹا جاری، مشیر صحت احتشام علی کا خدمات انجام دینے والوں کو خراج تحسین
مشیر صحت احتشام علی کے دفتر سے جاری ہونے والے بیان کے مطابق صوبے کے 37 اضلاع کے چوبیس گھنٹے خدمات فراہم کرنے والے نان ایم ٹی آئی مراکز صحت کا ڈیٹا جاری کردیا گیا ہے۔ مشیر صحت احتشام علی نے عید کے ایام میں خدمات انجام دینے والوں تمام طبی عملے کو خراج تحسین پیش کرتے ہوئے کہا ہے کہ طبی عملے نے اپنی خوشیاں قربان کرکے لوگوں کی قیمتیں جانیں بچائیں۔
جاری ہونے والے ڈیٹا کے مطابق صوبہ بھر میں 79756 مریضوں نے ایمرجنسی خدمات لیں۔ اسی طرح 3735 مریضوں کو زچہ و بچی کی خدمات فراہم کی گئیں جبکہ عید کے دوران 1656 زچگیاں واقع ہوئیں۔
جاری ہونے والے ڈیٹا کے مطابق ایمرجنسی آپریشن تھیٹر میں 1706 میجر جبکہ 5814 مائنر سرجریز کی گئیں۔ اسی طرح 849 مریضوں کو کتوں کے کاٹنے کی ویکسین و علاج فراہم کیا گیا۔ مزید برآں سانپ کے کاٹے تین مریضوں کو علاج و ویکسین فراہم کیا گیا۔
یہ بھی پڑھیں: عید پر خیبرپختونخوا میں سیاحوں کا ریکارڈ رش: 3 لاکھ سے زائد سیاح
