کوہستان کرپشن کیس میں ملزم ایوب احتساب عدالت میں پیش

کوہستان مالیاتی سکینڈل میں گرفتار ملزم محمد ایوب کو احتساب عدالت میں پیش کیا گیا۔ احتساب عدالت کے جج امجد ضیاء صدیقی نے ملزم کی جسمانی ریمانڈ میں 2 دن کی توسیع کردی۔ ملزم اس سے قبل 12 دن نیب کے ریمانڈ میں رہا۔ نیب کے تفتیشی افسر کے مطابق ملزم کو کوہستان میگا سکینڈل میں تین ارب 45 کروڑ روپے بنک ٹرانزیکشن کی گئی ہے۔ ملزم کے بینک ٹرانزیکشن کے علاؤہ غیر قانونی اثاثوں کا بھی انکشاف ہوا ہے۔ نیب تفتیشی افسر کا کہنا ہے کہ ملزم کا 12 روزہ جسمانی ریمانڈ مکمل ہو گیا ھے لیکن مزید تفتیش کی ضرورت ہے۔

نیب میں ملزم کی ریمانڈ میں مزید 2 دن کی توسیع کی کا مطالبہ کیا گیا ہے۔ عدالت نے ملزم ایوب کو مزید 2 روزہ جسمانی ریمانڈ پر نیب کے حوالے کردیا۔

یہ بھی پڑھیں: کوہستان سکینڈل میں گرفتار اے جی آفس ملازم 9 روزی جسمانی ریمانڈ پر نیب کے حوالے