پشاور، غیر حاضری پر محکمہ فشریز کے 50 اور محکمہ لائیو سٹاک کے 110 ملازمین برطرف
خیبر پختونخوا میں گڈ گورننس روڈ میپ اور ہیومن ریسورس مینجمنٹ سسٹم کے مؤثر نفاذ کے لئے سیکرٹری لائیوسٹاک طاہر اورکزئی کی زیر صدارت اہم اجلاس منعقد ہوا۔
سول سیکرٹریٹ میں منعقدہ اجلاس میں ڈائریکٹر جنرل لائیو سٹاک اصل خان، ڈائریکٹر جنرل لائیو سٹاک ریسرچ ڈاکٹر اعجاز علی، ڈائریکٹر جنرل فیشریز ارشد عزیز خان سمیت محکمے کے اعلی حکام نے شرکت کی۔
اجلاس میں بریفنگ کے دوران بتایا گیا کہ صوبائی وزیر لائیوسٹاک، فیشریز و کوآپریٹیو فضل حکیم خان یوسفزئی کی ہدایات اور گڈ گورننس حکمت عملی کے تحت غیر حاضرملازمین کے خلاف سخت کارروائی عمل میں لائی گئی ہے۔
بریفنگ میں مذید بتایا گیا کہ قانونی تقاضے پورے کرنے کے بعد محکمہ فشریز کے 50 ملازمین اور محکمہ لائیو سٹاک کے 110 ملازمین کو برطرف کر دئیے گئے ہیں جس سے عوامی سروس ڈیلیوری میں بہتری آئی ہے۔
اجلاس میں بتایا گیا کہ صوبائی وزیر لائیو سٹاک، فیشریز و کوآپریٹیو فضل حکیم خان یوسفزئی نے اچانک دوروں کا سلسلہ شروع کردیا،مختلف اسٹیشن میں خراب کارکردگی پر ملازمین کو معطل کیا گیا ہے۔
سیکرٹری لائیو سٹاک، فشریز و کوآپریٹیو نے اجلاس میں واضح کیا کہ محکمے میں غیر حاضر رہنے کی کوئی گنجائش نہیں۔
تمام افسران و عملہ کو ہدایت کی گئی ہے کہ وہ اپنے اپنے شعبوں میں سروس ڈیلیوری بہتر بنائیں اور عوام میں محکمے کا مثبت تاثر قائم کریں۔
یہ بھی پڑھیں: عمران خان نے سینٹ کیلئے اُمیدواروں کی لیسٹ فائنل کردی
