محکمہ صحت خیبرپختونخوا میں نوجوانوں کے روزگار سے متعلق اقدامات

وزیراعلیٰ خیبرپختونخوا کے مشیرِ صحت احتشام علی کی خصوصی ہدایات پر محکمہ صحت خیبر پختونخوا نے ضلعی سطح پر میڈیکل آفیسرز کی بھرتیوں کے شفاف عمل کو یقینی بنانے کے لیے شکایات کے ازالے کے لیے ایک کمیٹی تشکیل دے دی ہے۔یہ کمیٹی مردان، دیر اپر، بٹ خیلہ اور ہری پور میں فکس پے پر جاری بھرتی کے عمل سے متعلق اُمیدواران کی تحریری شکایات کا جائزہ لے گی، شواہد کی بنیاد پر اُن کا تجزیہ کرے گی، اور اپنی سفارشات مجاز حکام کو بھجوائے گی۔تمام اُمیدواروں کو ہدایت کی گئی ہے کہ وہ اپنی شکایات 10 اگست 2025 تک تحریری طور پر جمع کروائیں، اس کے بعد موصول ہونے والی کسی بھی درخواست پر غور نہیں کیا جائے گا۔محکمہ صحت شفاف بھرتی، انصاف پر مبنی عمل اور امیدواروں کے اعتماد کی بحالی کے لیے پرعزم ہے۔

یہ بھی پڑھیں: جنوبی وزیرستان اپر میں پولیس کے 7 اہلکار مبینہ طور پر اغوا، تلاش جاری