صوابی میں قاری نے 6 سالہ بچے کو سبق نہ یاد کرنے پر شدید تشدد کیا
صوابی میں قاری کے ہاتھوں 6 سالہ بچے پر تشدد، اور خوازہ خیلہ میں مدرسے کے طالبعلم کی مبینہ مارپیٹ سے موت
صوابی کے علاقہ چھوٹا لاہور میرہ ڈھوک میں مقامی مسجد میں قاری کا 6سالہ بچے پر تشدد، ڈی ایس پی محمدنعمان کے مطابق تشدد کرنے والے قاری فیضان کو گرفتار کرلیا۔ قاری فیضان کے خلاف چائلڈ پروٹیکشن ایکٹ کے تحت مقدمہ درج کر دیا گیا۔ ڈی ایس پی محمدنعمان نے بتایا کہ قاری نے بچے کو سبق یاد نہ کرنے پر تشدد کا نشانہ بنایا۔
یہ بھی پڑھیں: خوازہ خیلہ چالیار میں مدرسے کے قاری کے مبینہ تشدد سے طالبعلم جاں بحق
سوات کی تحصیل خوازہ خیلہ کے علاقے چالیار میں واقع ایک مدرسے میں قاری صاحب کے مبینہ تشدد اور مارپیٹ سے کم عمر طالبعلم فرحان ایاز جاں بحق ہو گیا۔ واقعہ کے بعد علاقے میں افسوس اور غم کی فضا چھا گئی ہے۔
پولیس کے مطابق واقعے کی اطلاع ملتے ہی متعلقہ تھانے نے کارروائی کا آغاز کر دیا ہے اور تفتیش جاری ہے۔ تاہم واقعے میں ملوث قاری کی گرفتاری کے حوالے سے تاحال کوئی پیش رفت سامنے نہیں آئی۔
مقامی لوگوں کا کہنا ہے کہ اس دلخراش واقعے نے پورے علاقے کو ہلا کر رکھ دیا ہے اور والدین میں شدید تشویش پائی جا رہی ہے۔ شہریوں نے اعلیٰ حکام سے فوری انصاف کی فراہمی اور ملزم کی گرفتاری کا مطالبہ کیا ہے۔
