خیبرپختونخوا میں تیز بارشوں کے باعث گلیشیائی جھیلیں پھٹنے کا خدشہ
پی ڈی ایم نے الرٹ جاری کیا ہے کہ آئند ہفتے خیبر پختونخوا کے بشتر اضلاع میں وقفے وقفے سے تیز بارشوں کا امکان ہے۔ تیز اور مسلسل بارشوں کے باعث خیبر پختونخوا کے گلیشیائی علاقوں میں گلیشیائی جھیلیں پھٹنے کا اندیشہ ہے۔
تفصیلات کے مطابق، چترال اپر اور لوئر، دیر، سوات اور کوہستان اپر کے عوام کو ممکنہ گلیشیئرز کے پھٹنے سے متعلق خبردار رہنے سے متعلق الرٹ جاری کیا ہے۔ اس دوران متعلقہ اضلاع میں بارشوں کے باعث لینڈ سلائیڈنگ اور مقامی ندی نالوں میں طغیانی کا بھی خدشہ ہے۔
ضلعی انتظامیہ کو حساس مقامات کی نگرانی، بروقت وارننگ اور انخلاء کی مشقیں یقینی بنانے کی ہدایت کی گئی ہے۔ ندی نالوں کے قریب غیر ضروری نقل و حرکت سے گریز اور گاڑیاں تیز بہاؤ والے پانی میں لے جانے سے بھی اجتناب کرنے کی ہدایات کی ہے۔ ممکنہ متاثرہ علاقوں میں انخلا کے لیے مقامات تیار، ہنگامی سامان اور ریسکیو سروسز کو الرٹ رہنے کا کہا گیا ہے۔ ممکنہ صورتحال میں سیاحوں کو خبردار رہنے اور احتیاطی تدابیر اختیار کرنے کی ہدایت کی ہے۔ سڑکوں کی بروقت بحالی کے لیے این ایچ اے، ایف ڈبلیو او اور سی اینڈ ڈبلیو کو الرٹ رہنے اور پیشگی اقدامات کی بھی ہدایت کی گئی ہے۔
پی ڈی ایم اے کی جانب سے ضلعی انتظامیہ کو ہدایت کسی بھی خطرے کی صورت میں ہنگامی اقدامات کی ہدایت، عام عوام کے لئے آگاہی مہم شروع ممکنہ نقصانات سے بچاؤ کے اقدامات سے آگاہی دی جائے گی۔
پی ڈی ایم اے کا ایمرجنسی اپریشن سنٹر مکمل طور پر فعال ہے عوام کسی بھی ناخوشگوار واقعے کی اطلاع اور معلومات کے لیے 1700 پر رابطہ کریں.
یہ بھی پڑھیں: پی ڈی ایم اے خیبرپختونخوا کا مون سون کنٹینجنسی پلان پر عملدرآمد شروع کر دیا
